ஆயுத பூஜை & அஸ்திர பூஜை என்றும் அழைக்கப்படும் சரஸ்வதி பூஜையானது நவராத்திரி திருவிழாவின் 9 வது நாளில் கொண்டாடப்படுகிறது. இது செப்டம்பர் முதல் அக்டோபர் வரையிலான மாதங்களில் நடைபெறுகிறது. மகாநவமி மாலையில், ஞானம், கலை மற்றும் இலக்கியத்தின் தெய்வமான சரஸ்வதி தேவியின் சிலையின் முன்பு புத்தகங்கள், கருவிகள் வைத்து வணங்கப்படுகிறது. கொலு காட்சியில் பூஜைக்காக வைக்கப்பட்ட இது மறுநாளான விஜயதசமி நாள் வரையில் தீண்டப்படாமல் உள்ளது. கலப்பை, ஸ்பேனர், சுத்தியல் உள்ளிட்ட அன்றாட நடவடிக்கைகளில் பயன்படுத்தப்படும் கருவிகளும், கணினி, மடிக்கணினி போன்ற இயந்திரங்களும் பூஜைக்காக பொதுவாக வைக்கப்படுகின்றன. மக்களும் தங்கள் வாகனங்களை கழுவி பூஜை செய்கின்றனர்.

புராணங்களின்படி, மகிஷாசுரனைக் கொல்ல சாமுண்டேஸ்வரி பயன்படுத்திய ஆயுதங்கள் வழிபாட்டிற்காக வைக்கப்படுகின்றன என்று நம்பப்படுகிறது. மற்றொரு கதை, விஜயதசமி நாளில், பாண்டவரின் ஐந்து சகோதரர்களில் ஒருவரான அர்ஜுனன், 13 ஆண்டுகள் வனவாசம் செல்வதற்கு முன், ஷமி மரத்திலிருந்து ஆயுதங்களை மீட்டெடுத்தார் என்று கூறப்படுகிறது.

இந்த நாள் கற்றலை, சரஸ்வதி  ஸ்தோத்திரத்துடம் தொடங்க ஏற்றதாக கருதப்படுகிறது. இந்த நாளில் முதன்முறையாக தாய்,தந்தை அல்லது குடும்பத்தின் பெரியவர்கள் கைபிடித்து எழுதுவதன் மூலம் சிறிய குழந்தைகள் அறிவு உலகில் நுழைகிறார்கள். தமிழ்நாட்டில் சரஸ்வதி தேவிக்கு அர்ப்பணிக்கப்பட்ட ஒரே கோயில் திருவாரூரில் உள்ள மகா சரஸ்வதி அம்மன் கோயிலாகும். விஜயதசமி நாளில், பெற்றோர்கள் தங்கள் குழந்தைகளை அழைத்து வந்து, கோயிலுக்குள் முதல் முறையாக எழுத வைக்கிறார்கள். இந்நாளில் சிறப்பு பூஜைகளும் நடைபெறுகின்றன.