ஊட்டியில் சுதந்திரப் போராட்ட வீரர் அல்லது முன்னாள் அதிபர் பராக் ஒபாமாவுடன் புகைப்படம் எடுப்பது எப்படி?  அது உங்களை மகிழ்விக்கும் அல்லவா?  ஊட்டி நகரத்திலிருந்து இரண்டு கிலோமீட்டர் தொலைவிலுள்ள ஊட்டி-குன்னூர் சாலையில்  130 ஆண்டுகள் பழமையான காலனித்துவ மாளிகையில் உருவாக்கப்பட்ட மெழுகு அருங்காட்சியகத்திற்குச் செல்லுங்கள்.

2007 இல் திறக்கப்பட்ட இந்த அருங்காட்சியகத்தில் மகாத்மா காந்தி, சுபாஷ் சந்திர போஸ், பாலகங்காதர திலகர் மற்றும் கோபால கிருஷ்ண கோகலே போன்றவர்களின் அழகிய சிலைகள் உள்ளன.  இதில் முன்னாள் அமெரிக்க அதிபர் பராக் ஒபாமா, முன்னாள் இந்திய குடியரசுத் தலைவர் டாக்டர் ஏபிஜே அப்துல் கலாம், சத்ரபதி சிவாஜி, ரவீந்திரநாத் தாகூர், விஸ்வேஷ்வர்யா, அன்னை தெரசா மற்றும் இந்தியக் கொள்ளைக்காரன் வீரப்பன் போன்ற பிரபலங்களின் சிலைகளும் உள்ளன. சீரடி சாய்பாபா  மற்றும் கிருஷ்ணர் போன்ற சிலைகளும் உள்ளன.  சமூக விழிப்புணர்வை ஏற்படுத்துவதற்காக, குடிபோதையில் வாகனம் ஓட்டுவதால் ஏற்படும் தீமைகளை வெளிப்படுத்தும் வகையில் சிலை ஒன்றும் அமைக்கப்பட்டுள்ளது.  குழந்தைகள் தங்கள் வரலாற்றுப் பாடப்புத்தகங்கள் மூலம் மட்டுமே அறிமுகமான தங்கள் வாழ்க்கை கதாநாயகர்களை பார்க்கும் வாய்ப்பு இங்கே கிடைக்கிறது.  ஹூக்கா புகைக்கும் அரபி மனிதனின் மெழுகு சிலையும் உள்ளது.  மக்கள் இந்த அருங்காட்சியகத்திலிருந்து வாசனை மெழுகுவர்த்திகளையும் வாங்குகின்றனர்.

இது இந்தியாவின் கலாச்சாரம் மற்றும் அதன் கிராம வாழ்க்கை முறையை பிரதிபலிக்கிறது.  விவசாய வேலைகள் மற்றும் மட்பாண்ட‌‌ தொழிலில் ஈடுபடும் மக்கள், அழகுக்கு அப்பாற்பட்ட மெழுகில் செதுக்கப்பட்டுள்ளனர்.  ஐஐடி நிபுணரும் தொழிலதிபருமான ஸ்ரீஜி பாஸ்கரன் இந்த அருங்காட்சியகத்தை உருவாக்கினார்.

பெரியவர்களுக்கும் குழந்தைகளுக்கும் தனித்தனி நுழைவுக் கட்டணம் உள்ளது மற்றும் அருங்காட்சியகத்திற்குள் வீடியோகிராபி மற்றும் நிழற்படம் எடுப்பதற்கு தனித் தொகை செலுத்த வேண்டும்.  காலை 9.00 மணி முதல் இரவு 8.00 மணி வரை அருங்காட்சியகத்திற்குள் நுழையலாம்.

அருங்காட்சியகத்திற்கு அருகில் தங்குமிடங்களும் மற்றும்‌ உணவகங்களும் உள்ளன.