கோயம்புத்தூரின் முன்னாள் கலெக்டரான ஜான் சல்லிவன், ஊட்டியில் முதல் பங்களாவைக் கட்டினார், ஸ்டோன் ஹவுஸ் அல்லது தமிழில் கல் பங்களா என்றும் அழைக்கப்படுகிறது இந்த பெயர் பழங்குடியினர்களின் பேச்சுவழகத்திலிருந்து வந்ததாகும்.  சல்லிவன் தோடா பழங்குடியினரிடமிருந்து நிலத்தைப் பெற்று  1822 இல் தென்னிந்தியாவில் நீங்கள் பார்க்கக்கூடிய இந்த சிறந்த ஐரோப்பிய கட்டிடக்கலை மங்களாவை கட்டினார்.  இந்த கட்டிடம் சல்லிவனின் தனிப்பட்ட இல்லமாக மாறியது, பின்னர் அது செயலகத்தின் ஒரு பகுதியாக மாறியது.  தற்போது, ​​இது ஊட்டி அரசு கலைக் கல்லூரி முதல்வரின் அதிகாரப்பூர்வ இல்லமாக உள்ளது.  அந்த இடத்தை ஆய்வு செய்த ஆட்சியர் மற்றும் அதிகாரிகள், அதன் அழகை கண்டு வியந்தனர்.  அந்த இடம் ஒரு சுற்றுலாத் தலமாக உருவாகும் என்பதை ஆட்சியர் முன்னறிவித்ததால், பிரித்தானியக் குடிசைப் பாணியில் முதல் ஆங்கிலேய வீட்டைக் கட்டி, வரவேற்பறையில் நெருப்பிடும் வசதி மற்றும் வண்ண வண்ண பூச்செடிகள், பன்னம் அல்லது வித்திலியம் (ஃபெர்ன்கள்), தேவதாரு மரங்கள் மற்றும் இலைக்கண் (லைகன்கள்) கொண்ட அழகிய தோட்டம் ஆகியவற்றைக் உருவாக்கினர்.  மேலும், காடுகளை அழித்து சாலைகள் அமைப்பதன் மூலம் ஆங்கிலேயர்கள் இந்த மலைப்பகுதியை அணுகுவதற்கு வசதி செய்தனர்.

கற்களால் ஆன மாளிகை பசுமை மற்றும் மலைகளுக்கு மத்தியில் அமைந்துள்ளது.  இது கட்டப்பட்ட காலத்திலிருந்த ‘ராஜ்’ கலாச்சாரம் பற்றியும் பேசுகிறது.  ஊட்டியில் உள்ள பழமையான ஓக் மரத்தை இந்த பங்களா வளாகத்தில் நீங்கள் காணலாம், இது சல்லிவன்ஸ் ஓக் என்றும் அழைக்கப்படுகிறது. இந்த கல் மாளிகைக்கு அருகில் உள்ள எல் வடிவ ஊட்டி ஏரியும், அதே கலெக்டரால் கட்டப்பட்டது.  காலை 9.00 மணி முதல் மாலை 5.00 மணி வரை சுற்றுலாப் பயணிகள் பிரமிக்க வைக்கும் கட்டிடக்கலையின் அழகையும் மகத்துவத்தையும் கண்டுகளிக்கலாம்.  இந்த அழகை உங்கள் நிழற்பட கருவியால் படம் பிடிக்க மறக்காதீர்கள்.  நவம்பர் மற்றும் ஜனவரி மாதங்களுக்கு இடைப்பட்ட காலத்தில், பங்களா பனியால் மூடப்பட்டிருக்கும்.

கல் மாளிகைக்கு உங்களை அழைத்துச் செல்ல உள்ளூர் பேருந்துகள் இல்லை.  நீங்கள் உங்கள் வாகனத்தில் செல்ல வேண்டும் அல்லது வாடகை வண்டியை வாடகைக்கு எடுக்க வேண்டும்.