வரலாறு, கலாச்சாரம் மற்றும் இயற்கை ஆகியவை சமணர் மலையில் ஒன்றிணைந்து காணப்படுகிறது. பாறைகள் நிறைந்த இந்த மலையில்,இந்து மற்றும் சமண நினைவுசின்னங்கள் இந்த நிலப்பரப்பபை இன்னும் மகத்துவமானதாக மாற்றுகிறது. திருவுருவகம், சமணர் மலை அல்லது மேல்மலை என்று அழைக்கப்படும் சமணர் மலை மதுரை மாவட்டத்தில் உள்ள கீழக்குயில்குடி கிராமத்திற்கு அருகில் அமைந்துள்ளது.
மதுரையில் உள்ள சமணர் மலை வரலாற்றுச் சிறப்புமிக்க இடமாகவும், இந்திய தொல்லியல் துறையால் பாதுகாக்கப்பட்ட நினைவுச் சின்னமாகவும் உள்ளது. ஏன் இது சமணர் மலை என்று அழைக்கப்டுகிறதென்றால், பொதுவாகவே தமிழகத்தில் துறவு தளங்கள் அதிகம் இருக்கின்றது,முக்கியமாக சமணர்களின் துறவு தளங்கள் அதிகம்,எனவே இது சமணர் மலையென்றும், மேலும் இப்பகுதியில் சமணர்களின் நினைவு சின்னங்கள் இருப்பதால் இது சமணர் மலையென்று அழைக்கப்படுகிறது.
மலைகளில் காணப்படும் நினைவுச்சின்னங்கள் கிமு 2 ஆம் நூற்றாண்டுக்கும் கிபி 12 ஆம் நூற்றாண்டுக்கும் இடைப்பட்டவை. கோமதேஸ்வரர், மகாவீரர், யக்ஷி மற்றும் யக்ஷா ஆகியோரின் சிற்பங்கள் இங்கு கண்டுபிடிக்கப்பட்டுள்ளன. செட்டிபுடவு தளம் மற்றும் பேச்சிப்பள்ளம் தளம் ஆகியவை இங்குள்ள முக்கிய இடங்கள். செட்டிபுடவு தளத்தில் சமண மதத்தின் கடைசி தீர்த்தங்கரரான மகாவீரரின் உருவம் உள்ளது. சமணத் துறவிகள் ஓய்வெடுக்கப் பயன்படுத்திய தட்டையான கற்கள் அல்லது கல் படுக்கைகளையும் இங்கு காணலாம்.
பேச்சிப்பள்ளத்தில் பாகுபலி, மஹாவீர் மற்றும் பார்ஸ்வநாதர் உள்ளிட்ட எட்டு சமண சிற்பங்கள் அரிய சின்னங்களுடன் உள்ளன. இந்த தீர்த்தங்கரர் சிற்பங்கள் கிமு 9 ஆம் நூற்றாண்டில் சமயத் துறவிகளால் கட்டப்பட்டதாக நம்பப்படுகிறது.
இங்குள்ள கல்வெட்டுகள் 200 ஆண்டுகளுக்கும் மேலானவை என நம்பப்படுகிறது. சமணர் மலையில் உள்ள தொல்பொருள் ஆய்வுகள் மலையின் மேல் ஒரு சமணப் பள்ளி இருந்ததாகக் கூறுகின்றன. இந்த இடத்தின் அமைதியான சூழல் மலைகளின் அடிவாரத்தில் உள்ள தாமரை குளத்தால் செழுமை பெற்றுள்ளன.
WEATHER
Light rain shower
