கடற்கரைகள், ஏரிகள், கோவில்கள், காடுகள் - உங்களுக்கு எது வேண்டுமோ? அது எப்படியிருந்தாலும், கடலூர் அதன் பழமையான வசீகரம் மற்றும் மன அமைதியைத் தரும் இடங்களுடன் உங்களை அன்புடன் வரவேற்கிறது. மாநிலத் தலைநகர் சென்னையில் இருந்து 190 கிமீ தொலைவில் அமைந்துள்ள கடலூர், இந்தியாவின் பல்வேறு பகுதிகளில் இருந்து ஏராளமான சுற்றுலாப் பயணிகளை ஈர்க்கிறது. அதன் அற்புதமான இடங்களின் மகிமையால், நம்பி வந்த பார்வையாளர்கள் யாரும் இங்கிருந்து ஏமாற்றத்துடன் திரும்பிச் செல்வதில்லை.

கடலூர் வரலாற்று முக்கியத்துவம் வாய்ந்த இடம். பல ராஜ வம்சங்கள் பல நூற்றாண்டுகளாக இந்தப் பகுதியை ஆண்டுள்ளன. பல்லவர்கள், இடைக்கால சோழர்கள், விஜயநகரப் பேரரசு, மதுரை மற்றும் தஞ்சாவூர் நாயக்கர்கள், மராட்டியர்கள் மற்றும் திப்பு சுல்தான் ஆகியோர் இப்பகுதியை ஆண்ட சில முக்கிய குழுவினர். பின்னர், கடலூரும் பிரெஞ்சு மற்றும் ஆங்கிலேயர் ஆட்சியின் ஆதிக்கத்தின் கீழ் வந்தது. இன்று, கடலூர் ஒரு துடிப்பான மற்றும் இளம் கண்ணோட்டத்துடன் கூடிய ஒரு தொழில்துறை நகரமாக திகழ்கிறது. கடலூர் என்ற சொல் சங்கமம் என்று பொருள்படும் கூடலூர் என்ற தமிழ் வார்த்தையிலிருந்து வந்தது. நகரத்தின் சுற்றுலா முக்கியத்துவத்தைப் பொறுத்தவரை இது முற்றிலும் உண்மை. இங்கு பயணிகளுக்கு பலவிதமான அனுபவங்கள் ஒன்றிணைந்து, மறக்க முடியாத நினைவுகளை பரிசாக அளிக்கின்றன. தமிழ்நாட்டில் அதிகம் பார்வையிடப்படும் சுற்றுலாத் தலங்களில் ஒன்றான கடலூர், வங்காள விரிகுடாவின் அமைதியான கோரமண்டல் கடற்கரையில் அமைந்துள்ளது. 

எனவே இந்த இடம் அழகிய கடற்கரைகளின் அமைதியான அழகைக் கொண்டுள்ளது. கெடிலம் ஆறு கடலூர் வழியாக வங்காள விரிகுடாவில் பாய்ந்து, அதன் உப்பளங்களை சுற்றுலா ஈர்க்கும் தளங்களாக மாற்றுகிறது. இதுமட்டுமன்றி, கடலூர் ஒரு புனித சுற்றுலா தலமாகவும் உள்ளது, ஏனெனில் இங்கு பல அற்புதமான கோயில்கள்,ஏனைய சமூகத்தினரின் வழிபாட்டு தளங்கள் உள்ளன. இதனால் இது 'கோவில்களின் தேசம்' என்ற புனைப்பெயரைப் பெற்றது.