இந்திய நாட்டின் மிக முக்கிய தொழில், வணிக மற்றும் கலாச்சார மையங்களில் ஒன்றான சென்னை தமிழ்நாட்டின் தலைநகரம் ஆகும். சிறந்த வரலாறு மற்றும் பாரம்பரிய நகரமான சென்னை, இன்று உலகில் அதிகம் பார்வையிடப்படும் நகரங்களில் ஒன்றாகும். முதலில் மெட்ராஸ் என்று அழைக்கப்பட்ட சென்னை, வங்காள விரிகுடாவில் கோரமண்டல் கடற்கரையில் அமைந்துள்ளது. சென்னை இப்பகுதியில் ஒரு முக்கிய துறைமுக நகரமாகும். 

செழிப்பான தானியங்கி உற்பத்தித் துறை இருப்பதால் சென்னை பரவலாக இந்தியாவின் டெட்ராய்ட் என்று குறிப்பிடப்படுகிறது. இந்தியாவின் நிதி வளர்ச்சிக்கு கணிசமான அளவு வலுசேர்க்கும் பல முக்கிய தொழில்களின் தாயகமாகவும் சென்னை விளங்குகிறது. 

சமீபமாக, இந்தியாவின் மிக நம்பிக்கைக்குரிய தகவல் தொழில்நுட்ப மையமாகவும் சென்னை தரவரிசையில் உயர்ந்துள்ளது. ஒரு காலத்தில் தென்னிந்திய சினிமாவின் தலைநகராக இருந்த சென்னை, இன்று உலகம் முழுவதும் ரசிகர்களைக் கொண்ட தமிழ்த் திரையுலகின் தாயகமாக திகழ்கிறது. 

சென்னையில் பல்லடுக்கு கட்டிடங்கள் மற்றும் ஹைடெக் ஐடி பூங்காக்கள் அதிகம். இந்நகரம் பல்வேறு இயற்கை எழில் மிக்க இடங்கள் மட்டுமல்லாமல் கொண்டாட்டமான சூழல்களையும் தன்னகத்தே கொண்டுள்ளது. 

இது உலகம் முழுவதிலுமிருந்து வரும் சுற்றுலாப் பயணிகளுக்கு இந்த இடத்தை விருப்பமான சுற்றுலா தளமாக மாற்றுகிறது. கூவம் ஆறு சென்னையின் மையப்பகுதியிலும், அடையாறு தென்பகுதி வழியாகவும் பாய்கிறது. கடலோர இடமாக இருப்பதால், சென்னை பல அழகிய கடற்கரைகளை கொடையாகப் பெற்றுள்ளது. 

இவை அனைத்தும் இணைந்து சுற்றுலா பயணிகளுக்கு வாழ்நாள் முழுவதும் நினைவில் நிற்கக்கூடிய மிக அற்புதமான காட்சிகளை வழங்குகின்றன. சென்னையின் உண்மையான அழகு அதன் உள்ளார்ந்த பாரம்பரிய பண்புகளில் உள்ளது. தென்னகத்தின் கலாச்சார தலைநகரம் என்று குறிப்பிடப்படும் சென்னை, அதன் தனித்துவமான கட்டிடக்கலை, இசை, கலை, பாரம்பரியம், நினைவுச்சின்னங்கள் மற்றும் அன்பான விருந்தோம்பல் ஆகியவற்றால் பார்வையாளர்களை கவர்கிறது. எனவே ஐவகை உணர்வுகளையும் இணைக்கும் முழுமையான சுற்றுலா அனுபவத்தை நீங்கள் அடைய விரும்பினால், சென்னைதான் நீங்கள் முதலில் செல்ல வேண்டிய இடம்.